274 مادام الحرب في نضالك هيبة،هزّتني وجيعة بعد كل منام. زعمة يفارقنا الجفاء ولهيبه،وتسقي المطر كل الشجر أعوام. وروحي فداك يا أعز حبيبة،زعمة ثمة في القسيمة ظلام. ربي عطاك المودة… سبيبه،والحرب يا قسّام من غير سلام. زلزل والله في الكنين رسيبه،أوصال تقطّعت في دقيقة… أفلام. وبكات السماء… والرعود عجيبة،ودموع تناثرت في الحين أحجام. فيك يا أقصى خفايا رحيبة،منها بشاير نصر هلال تمام. ومن غير راصد تشوفها غريبة،والشفر يرسم حاجبك ملام. هذا نصيب… ناضل والنضال ذهيبة،والصاروخ زلزل… وما عاد سلام. ما يعجبك في الدهر كان نصيبه،والخاطرة ألوانها زاهية وحمام. حب الرفيق لرفيقه… شهيبة،وزارع الورد ليه في الخواطر نام. الحروب دمّرت والسلام مصيبة،زعمة العرب تفيق وما تنام. وكل الودايع في الزمان رغيبة،منها يناير وأكتوبر تاريخ قيام. طوفان الأقصى دمعات صعيبة،تبدا بالتحرير والجبهة مقام. زلزل… العواصف حطمت كتيبة،وما يصير هذا كان فيه دوام. يا هل ترى الظلم شكون يعيبه،تعدّى الحدود وللصبر ختام. زلزل يا أهل العزّة الهموم رهيبة،مازال عالشجر عصفور وحمام. تتغذّى الأرض بالدم ضريبة،يعني النصر ثمرة موش أوهام. غزة يا العرب كالطير حبيبة،صغارها صاروا تحت الردام. علّي شاف الوضع لقاه غريبة،والدموع على الخد قهرة بتمام. شفتوشي مثل ها الكيان مصيبة،باع الضمير في القلب غيام. والعالم ينظر والمقام لهيبة،هدّموا الديار على ناس كرام. يحبّوا يبعدوهم ع الوطن… غيبة،هذا تخطيطهم… التهجير التام. الصمود واجب مع غزة الحبيبة،الشعوب لازمها التنديد العام. تخرج قوافل من تونس هيبة،والعالم يكون الضمير بتمام. الشاعرة حميدة بن ساسي