سمّ يا غزة باسم الله

سم يا غزة باسم الله
ربي علينا ما يتخلا
رينا دموماتك شرتله
ما اخيبها و ما اقواها علة
تبلينا بال بو برطلة
جاب ربي في العالم قلة
و لا حشمة لا دين لا ملة
سم يا غزة بسم الله
ربي عنا ما يتخلا
ادهم برجالك الابطال
بسلاحك اصنع زلزال
و اعجنهم كيف الصلصال
بيكم نضرب في المثال
نعرف عنا رجال غولا
سم يا غزة بسم الله
ربي عنا ما يتخلا
عالم يتفرج يتسلا
غريبة فيهم و الله و الله
نفاق و خبث و قربلا
خايفين يطلو بالطلة
و الي باع منهم لا ولا
سم يا غزة بسم الله
ربي عنا ما يتخلا
باعوها بارخص الاسوام
لصهيوني كروها بالعام
هكا حكمونا بسيستام
حكمو حتى في الاعلام
و لبسنا ثوب المذلة
سم يا غزة بسم الله
ربي عنا ما يتخلا
كره و كذب تعرا بكله
خلاوك بجمر تتقلا
لا خبز و لا ما لا غلة
اسم الله عليك اسم الله
اسم الله ظالم و علينا يتبلا
سم يا غزة بسم الله
ربي علينا ما يتخلا
كان نموتو شهداء
نكونو من السعداء
نطلب للجرحى الشفاء
ابكي على موتة الاعداء
في جهنم احسبها الكلا
سم يا غزة بسم الله
ربي علينا ما يتخلا
اليوم صعيب و غدوة خير
في سنة ربي التغيير
ما دمنا في رضاه نسيير
و سبحانو بيدو المصير
عمرو عنا ما يخلى
سم يا غزة بسم الله
ربي علينا ما يتخلي

الشاعرة  معالي بن زايد
حمام الغزاز نابل
الجمهوزبة التونسية