حاتم بن حورية : “ما يموتش في يد الأوباش”

الذيب إذا كان حصل يكتم عواه
و يبات الليل في رجلو نهاش

يقصها ويسرح بين فجوج خلاه
و ما يموتش في يد الأوباش

سيفي جارح في جواه
ماضي بتار قهار الجاش

ودايا ما تلقى ليه دواه
وجرحي غارق ما يبراش

نيفي ديما في سماه
وما نوطيه للي ما يسواش

قلبي يحب بكيفو وهواه
و في الخير ما يحسبهاش

لكن كان فاض كاسو بماه
يصير يكره ويجبد الصاش

مطلوق اللسان ماني مهماه
دغري في كلامي ما نرداش

كلامي موزون ما ننهاه
نبصم بيه في كل الأعراش

حرفي مطبوع صعيب كان تراه
نفوتك والجرة ما نخلفهاش

أخلط كان عندك جاه
والعين على الحاجب ما تعلاش

بقلم / حاتم بن حورية