الشاعر طلعت العسيلي: قصيد بعنوان “جاري”

933

أصيل واﻷصل دا وراثه

في دم أبويا واجدادي

وإبني حيورثه مني

ها شوفه بارضو فحفادي

وهاحكي قصه مع جاري

اللي واقف جنبي طوالي

كاتبها من سنين فاتت

فقصيده من أحلى أشعاري:

يا سحابه يا معديه فوق بيتي

مَسِّي عليا وهدي فوق غيطي

زرعي ضعيف دبلان ما واصَلِّيهُوش مَيَّه

وزرع جاري إخْضَر وأرضه مَسْقِيَّه

السحابه : سألت نفسك ليه لو مره يا غالي

تِعِبْت نفسك ليه وطلعت فالعالي؟

هو انت قصدك خير وللا بتتعالي؟

– ﻻ هو ده قصدي

وﻻ هو ده طبعي

وﻻ هو ده حالي

دا انا قولت أعمل خير

وارميه فالمَيَّه

المَيَّه جايه قليله ومش مِكَفِيَّه

 جاري واقف جنبي وف ربحي طوالي

ب أرُدْ لُه جِمِّيلُه وطْلِّعت فالعالي

السحابه: ما دمها دي نِيِّتَك

وانت كده راضي

هاسمع كلامك أنا

وههدِّي فوق غيطك

إنظر لفوق في السما

وارفع إديك عالي

هانزل هنا مطرا

تسقي لجارك زَرْعِتُه

وزرعك الغالي

يابو المقام عالي