الشاعر المصري عادل ادريس : قصيد بعنوان “اديني قلبك”

189

ادينى قلبك أحب بيه

زى حبك للحياه

روحك الحلوه بشوفها

لو ضحكت منك شفاه

بسمتك عنوان للحياه

همستك للكون نجاه

يام قلب ابيض ينور

ليل سمايا فى الحياه

لو بعدتى ف يوم عليا

أحس عمري منتهاه

وأزاي اكون سباح ف بحرك

وانا معرفش للأمواج نجاه

يام العيون سمرا وكحيله

والخدود بهجه وحياه

لما شفتك مره صدفه

قلت دى لقلبى مناه

السحر فيكي مستخبى

جوه حروفك ع الشفاه

كملى بيا المسيره

اروح معاكى أي اتجاه

الشمس حتنور طريقنا

وبيكي تحلو الحياة

والقمر بيبان في عينك

مانتي حلمي ومنهاه